Nú ætla ég að vera dugleg ;)
Mánudagur, júní 9th, 2008 | Gamla síðan
Já, núna ætla ég að vera dugleg að blogga fyrst að bloggið mitt er komið aftur í gagnið og svo verð ég náttúrlega að vera duglegri en kallinn ;)
Þá er en ein vinnuvikan hafin og nóg að gera þar, en þar sem að mér finnst gaman í vinnunni að þá kvarta ég alls ekki undan því að hafa nóg að gera. Svo er líka nóg að gera hérna heima, er byrjuð að dunda mér við að pakka enda veitir ekki af þar sem tíminn flýgur áfram, það verður komið að flutningum áður en maður veit af.
Ég rak augun í frétt áðan, rétt áður en ég fór heim úr vinnunni og tengist hún hækkun á bensíni, ég bara spyr, hvernig er þetta hægt og hversu lengi ætlar fólk að láta bjóða sér upp á þetta? Það er alla vega alveg á hreinu að hér á þessu heimili verður bílinn ekki hreyfður nema í ítrustu nauðsyn, alla vega ekki á meðan okurfélögin haga sér svona. Við verslum við Atlantsolíu, erum reyndar bara nýbúin að fá okkur lykil þar, versluðum áður við N1 og er það nokkuð sem ég geri ALDREI aftur, ég mun labba framhjá N1 lendi ég í því að verða bensínlaus nálægt stöð frá þeim, þetta er ekkert nema glæpasamfélög, þ.e.a.s. N1, Olís og Skeljungur.
Ég er alla vega ekki að fara að borga tæpar 180 krónur á líterinn fyrir að láta dæla á bílinn minn, frekar stend í úti í hvernig veðri sem er og geri þetta sjálf og það hjá Atlantsolíu.
En jæja, núna ætla ég að skella mér í smá pökkun og svo smá slökun í sófanum, enda á ég það skilið fyrir að vera svona dugleg að blogga ;)
Engin mótsvör að svo stöddu.